Whistleblower
Print

Inuttut inuuneq pillugu politikki



Paasissutissat suut nalunaarsorneqartarpat?

Nalunaaruteqartarfik taamaallaat pissutsinik pingaaruteqartunik nalunaaruteqarnermut atorneqarsinnaavoq, assersuutigalugu aningaasatigut pinerluuteqarnerit, akilerneqarluni akuersineq, sulinermi isumannaallisaanermik annertuumik unioqqutitsineq, avatangiisit pillugit malittarisassanik annertuumik unioqqutitsinerit il.il.

Pissutsit annikinnerusumik pingaarutillit pillugit nalunaarutinik tigusisoqarpat, assersuutigalugu aningaasaqarnermi pissutsinik naammagisaqannginneq, suleqatigiinnermi ajornartorsiuteqarneq, pujortartarneq imigassarlu pillugit politikkimik unioqqutitsineq il.il., paasissutissat qarasaasiakkut nalunaaruteqartarfimmit peerneqassapput nalunaaruteqarnerlu suliarineqassanani. Nalunaaruteqarsinnaanermut nalunaartarfimmi postboksimik pilersitsisimaguit kinguartitsinissaq pillugu nalunaarfigineqassaatit.


Nalunaaruteqartarfimmut iserneq

Kinaassuseq isertuullugu nalunaarutit nalunaaruteqartarfimmi nalunaarsorneqartarput.  Taamaallaat nalunaarut nalunaarsorneqassaaq. Qarasaasiap nalunaaruteqarnermut atorneqartup IP-adressea imaluunniit maskiinap ilisarnaataa nalunaarsorneqarneq ajorput. 

Paasissutissanik nalunaarsorneqartunik naqqiineq

Paasigukku nalunaarutitit tamakkiisuunngitsut eqqortuunngitsulluunniit, nalunaaruteqartarfimmi nutaamik nalunaaruteqaqqiinnassaatit, tassani siusinnerusukkut nalunaarutiginikuusat innersuussutigalugu suullu naqqinneqassanersut allaaseralugu.

Nalunaaruteqarninnut atatillugu postboksimik isumannaatsumik pilersitsisimaguit suliap normua isissutissarlu nammineq toqqakkat atorlugit nalunaaruteqartarfimmut iserlutit naqqiisinnaavutit.


Paasissutissanik nalunaarutigineqartunik ingerlatitseqqiineq

Paasissutissat qarasaasiami nalunaarsuiffimmi nalunaarsorneqartut suliffeqarfiup avataani allanut aallaaviatigut inerlateqqinneqarneq ajorput. Pisunili ukunani paasissutissat ingerlateqqinneqarsinnaapput:

  • Nalunaarummik suliarinninnermut atatillugu eqqartuussissuserisumut kukkunersiuisumulluunniit ingerlatitseqqiineq.
  • Nalunaaruteqarneq eqqartuussinermik kinguneqarpat.
  • Tamanna inatsisini piumasarineqarpat.


Illit pillutit paasissutissat (atit najukkallu)

Atit allakkukku suliap paasiniaaffigineqarnerani, tamassumalu kingorna suliaq eqqartuussivimmi suliarineqassappat paasissutissat ilinnut tunngassuteqartut sulisitsisuit atorsinnaammagit eqqumaffigissavat.

Sulisitsisuit qulakkiissavaa inuttut paasissutissat pillugit inatsisit malillugit pisinnaatitaaffitit tamatigut malinneqassasut, taamaallaallu qulaani allaaserineqartutut atorneqassasut. 
 

Paasissutissanik nalunaarsukkanik peersisarneq

Paasissutissat nalunaarsukkat taamaallaat pisariaqartinneqartillugit uninngatinneqarsinnaapput. 

Paasissutissat nalunaarsuiffimmiinnissaat pisariaqartinneqarunnaarpat paasissutissat peerneqassapput.


Qarasaasiakkut isumannaallisaaneq

Nalunaaruteqarfik Human Time A/S-imi pilersinneqarpoq, taannalu sumut attuumassuteqanngitsutut suleqatigineqarpoq, nalunaarsuiffimmillu isumannaallisaaneq kinaassutsimillu isertuussinissaq qulakkeerlugu. Inuit pillugit paasissutissat piaarinani unioqqutitsilluniluunniit peerneqarsinnaanerat, tammarneqarsinnaanerat ajornerulersinnaanerallu kiisalu susassaqanngitsunit ilisimaneqarsinnaanerat atornerlunneqarsinnaaneralluunniit pinngitsoortinniarlugu Human Time teknikkikkut aaqqissuussaanermilu pisariaqartunik iliuuseqarpoq. Inuit pillugit paasissutissat suliarineqartarnerat annertoorujussuarnik nakkutigineqarpoq suleriaaseqarfigineqarlunilu, immikkoortumilu ileqqorissaarneq malinneqarluni.

Paasissutissanik nassiussinerit toqqorterinerillu tamarmik ingerlaannaq atuarneqarsinnaanngillat. Paasissutissanik ingerlaannaq atuarneqarsinnaanngitsunik internetikkut ammasukkut nassiussisoqarneq ajorpoq.

 
Kinaassutsimik isertuussineq

Nalunaaruteqartarfimmi IP-adresset maskiinallu ilisarnaataat takuneqarsinnaanngillat cookies-illu aamma atorneqartaratik. Qarasaasiakkut suliffeqarfiup attaveqaataatigut nalunaaruteqartoqarpat nittartakkat takuneqartut browser-imi iserfiit aamma/imaluunniit suliffeqarfimmi isertarfimmi uninngatinneqariaannaapput. Taamaattoqariataarsinnaanera pinngitsoortinneqarsinnaavoq qarasaasiap suliffeqarfiup attaveqaataannut attavilerneqarnikuunngittoq atorlugu nalunaaruteqarnikkut.

Uppernarsaatinik qarasaasiakkut nassiussingaanni eqqumaffigineqassapput, taakku paasissutissanik nalunaaruteqartup kinaassusianik tusaamanerlutsitsisinnaasunik imaqarsinnaasut. Taamaammat internetikkut aallinnginnermi paasissutissat tusaamanerlutsitsilersinnaasut uppernarsaatinit peerneqarnissaat qulakkeerneqartariaqarpoq.

Kinaaneq isertuullugu imaluunniit inuttut paasissutissat ilanngullugit nalunaaruteqassanerluni nammineq aalajangerneqassaaq. Nalunaaruteqartup kinaanini isertuutinngippagu nalunaaruteqartup kinaanera suliamik suliarinnittunit ilisimaneqassaaq. Taamaattoqarnerani nalunaaruteqartoq eqqartuussisoqassappat ilisimannittutut aggersarneqariaannaavoq, taamaalilluni kinaassutsimik isertuussisinnaajunnaartoqassalluni.

 
Apeqqutit

Inuit pillugit paasissutissanik isertuussineq pillugu apeqqutissaqaruit Jesper Dannemann Human Time A/S-imeersoq e-mailikkut jda@humantime.com attaveqarfigisinnaavat.