Whistleblower
Oqaatiginnissinnaatitaanermut aaqqissuussinermut tikilluarit

Oqaatiginnissinnaatitaanermut isertarfik tassaavoq Kalaallit Nunaanni Namminersorlutik Oqartussat Oqaatiginnissinnaatitaanermut aaqqissuussineranut isertarfik. Aaqqissuussineq Naalakkersuisunit akuerineqarsimavoq kiisalu Aningaasaqarnermut Sulisoqarnermullu Aqutsisoqarfimmi Naalakkersuisut Kukkunersiuisuinit isumagineqarluni pilersinneqartimalluni.

Isertarfimmi matumani Kalaallit Nunaanni Namminersorlutik Oqartussat Qitiusumik Allaffeqarfianni taakkualu ataanni immikkoortortani imaluunniit ingerlatseqatigiiffinni sinneqartooruteqarneq naapertorlugu aqunneqartuni atorfilittut Kalaallit Nunaanni Namminersorlutik Oqartussani inatsisinik unioqqutitsinerit pillugit paasissutissanik imaluunniit annertuumik pissusissamisuunngitsunik nalunaarutiginnissinnaavutit.

Kinaassutsivit isertuunnissaa kissaatigigukku, isertarfik manna aqqutigalugu oqaatiginnissinnaatitaanermut aaqqissuussinermut paasissutissanik tunniussissasutit inassutigissavarput.






Suna nalunaarutigineqarsinnaava?
Kinaassutsimik isertuussineq
Postboksimik pilersitsigit
Oqaatilliisinnaatitaanermut atortussiami pissutsit ilungersunartut, soorlu assersuutigalugu akiliilluni peqquserlutsitsineq, pinngitsaaliilluni iliuuseqartitsiniarnerit, paarititanik peqquserlunnikkut ajunaaruteqartitsineq, peqquserlulluni iluanaarniarneq, naatsorsuutinik allanngortiterineq il.il. Aamma Namminersorlutik Oqartussat suliannut pingaaruteqarpat pissutsit inummut imaluunniit avatangiisinut akornusiisinnaasut nalunaarutigisinnaavatit.

Pissutsit soorlu uumisaarinermut, akissarsianik naammaginninnginnermut, pisassiissutinik agguaassinermut, imigassamik aalakoornartortalimmik politikkimut il.il. tunngassuteqartut maannga nalunaarutigineqassanngillat, kisianni aqqutit nalinginnaasut atorlugit nalunaarutigineqassapput.
Oqaatiginnissinnaatitaanermut intranetikkut isertarfimmut kinaassutsinnik isertuussillutit paasissutissanik tunniussisinnaavutit.

Kinaassutsinnik isertuussiniaruit, atit ilisimatitsissutigissanngilat imaluunniit allamik ilinnut attuumassuserneqarsinnaasunik, soorlu assersuutigalugu najukkat imaluunniit telefonippit normua - aamma allagaasiani matumunnga kakkigunneqartumi ilisimatitsissutigissanngilatit.

Suliaq malinnaaffigisinnaavat oqaatiginnissinnaatitaanermillu aqutsisoq oqaloqatigalugu.

Suliaq malinnaaffigigukku aqutsisorlu attavigalugu, kinaassutsinnik isertuussinerit attatiinnassavat.

Suliap malinnaaffiginissaa isumassarsiatsialaassaaq, aqutsisup paasissutissanik suliaqarnerminut atatillugu apeqqutinik erseqqissaataasinnaasunik apeqqutissaqarluni aperinissat pisariaqartissaguniuk.

Nalunaarut nassiukkukku postboksip isumannaatsup pilersinnissaanut periarfissaqarputit.
 
Piareersimanissat inassutigaarput, paasissutissanik sukumiinerusunik pissarsitinnata suliaq immaqa naammassisinnaassannginnatsigu.

Postboksimik pilersitsiguit, suliap normua tunineqassaatit nammineerlutillu isissutissamik pilersitsillutit. Taakkua postboksimut isissagaangavit atortassavatit tassani takuniarlugu, ilinnut apeqquteqartoqarsimanrsoq, taamaattumik taakkua isumannaatsumut toqqornissaat isumagissavat.
Nalunaarutiginnereernerpit kingorna allagarsiaasivivit akuttunngitsumik alakkartarnissaanik inappatsigit.

Kissaatigigukku, attaveqatigiinneq tamarmi kinaassutsinnik isertuussilluni pissaaq.